Suicide wala Murder:⚰⚰

Main Soya Tha Uss Raat Mein,

Khoya Tha Apne Khwab Mein,

Dekha Maine Aek Baccha Sundar,

Par Kuch Chal Rha Tha Uske Andar...

Woh Rehta Tha Uljha Uljha,

Mano Mann Hi Mann Me Kuch Tha,

Woh Gumsum Tha Bahar, Bheetar,

Usko Tha Jaise Koi Darr...

Woh Uthta Tha ,Toh Kabhi Baithta Tha,

Aage Badhta Toh Kabhi Rukta Tha,

Wo Player Toh Naya Hi Tha,

Hit Marne Se Hamesha Chookta Tha...

Usko Kya Maloom,

Kaisi Hain Duniya,

Woh Sabko Aek Samajhta Tha,

Par Dekh Badalta Rang Sabhi Ka,

Woh Khud Hi Khud Me Ghutta (Suffocate) Tha...

Woh Dekh Bechara Dukhi Hua,

Logo Se Ab Wo Chupta Tha,

Kya Kami Koi Mujhme Hi Hain,

Woh Khud Se Ab Ye Bass Poochta tha...

Logon Ne Bhi Na Chori Koi Kasar,

Woh Hass Ke Dard Chupata Tha,

Aisa Nahi Tha Ki Kabil Nahi Tha Woh,

Par Khud Ko Samjhta, Bechara Tha....

Woh Dard Ko Bhi Baate Kisse,

Ab Koi Na Usko Bhata Tha,

Khud Ko Samhalne Ke Liye Wo,

Kahi Shant Jagah Par Jata Tha...

Chala Silsila, Aise Hi Kuch Din,

Bhar Gaya Tha Uska Bhi Mann,

Usey Jeena Toh Abhi Aur Bhi Tha,

Par Chor Chala Wo Apna Tann (Body)...

Yeh Dekh Sabhi,

Main Utha Tabhi,

Tab Tak Subah Bhi Ho Chuki Thi,

Apna Mann Badalne Ko,

Maine Phir Khol Liya T.V...

Jo Dekha T.V. Mein Maine,

Main Rok Nahi Paya Khud Ko,

Koi Aisa Hi Tha, Sapne Jaisa,

Jo Chhor Chuka Tha Duniya Ko...

Logon Ne Bola Fansi Thi,

Isiliye Toh Gaya Wo Marr,

Par Fansi Nahi Thi Wo Mere Yaar!!!

Wo Tha Aek Gumnaam Murder...

Usne Toh Jaan Gawa Di Apni,

Aur Toda Kitno Ka Sapna,

Ab Bhi Agar Na Samhala Toh,

Tum Bhi Koi, 

Kho Doge Apna.....

                                   - PRASHANT MISHRA                                 IMPRASHANTMISHRA5@GMAIL.COM